ჩვენს შესახებ

ბლოგი  შეიქმნა ქალაქ ქუთაისის მუნიციპალიტეტის  მერიის კულტურის, სპორტის,  განათლების, ძეგლთა დაცვის  და  ახალგაზრდობის სამსახურის მიერ ორგანიზებულ კონკურსში  ,,ჩემი სკოლის მატიანე“ მონაწილეობის მიღების მიზნით.

 ბლოგი შედგენილია სსიპ  ქალაქ ქუთაისის №8 საჯარო სკოლის შესახებ.  მასში, მოყოლებული 1938 წლიდან, ბინა დაიდო ადგილობრივ პრესაში სხვადასხვა დროს გამოქვეყნებულმა სტატიებმა, ფო­ტოსურათებმა, კურს­დამ­თავრებულებისა და პედაგოგების მოგონებებმა და ამ ბლოგის ავტორის მიერ 2011 წელს გამოცემული  300 გვერდიანი  წიგნის  ,,სსიპ ქუთაისის N8 საჯარო სკოლა 1938-2011“  მასალებმა.

   ,,მოპოვებული საინტერესო მასალები გავითა­ვისე, შევიყვარე, გულისა და სულის ნაწილი მივეცი და გამოვა­ფინე. მზის სხივები ვარგუნე შორეულ წარსულში მიმქრალ, ოდესღაც ვარსკვ­ლავივით მოკაშკაშე, დაუშრეტელი ენერგიის მქონე უძვირფასეს პედაგოგებს: ბენიამინ გვეტაძეს, ვალერიან თუმანიშვილს, ივანე ვაშაკიძეს, ალი­ოშა სანდუხაძეს, რომან ცინცაძეს, ავთანდილ ქურას­ბედიანს, იულია ქუ­თა­­თელაძეს, ვასილ კისკეიძეს, თამარ ჩაგელიშვილს, ვერიკო ქომურჯიშვილს, სიმონ არველაძეს, ლევან კაკაბაძეს, ზურაბ მოდებაძეს, ნუჩიკო ვასაძეს, ეთერ ბურ­ჯანაძეს, ნათელა ხობუას, ტიტე ხაბურძანიას, თინა ბოჭორიშვილს, თინა შუბ­­ლაძეს, შურა ჩიტიანს, თამარ ასა­თიანს, ლეილა კეზევაძეს, ნორა ბურ­ჯა­ნაძეს, იაშა კაჭკაჭიშვილს, თამაზ მეძვე­­ლიას, სულიკო საფაროვს, აპო­ლონ ჩირგაძეს, ბაბულია ჭირაქაძეს, მერი ვაშა­კიძეს, ფრინა ფურცხვანიძეს, ნა­დია დევდარიანს, ნელი ღაჭავას, ვესტა ვოლკოვას, დიმიტრი ჩხიკვაძეს, ნოე ალავიძეს, დავით ცირეკიძეს, არჩილ ბარდა­ველიძეს, ნარგიზა ჩოგოვაძეს, გუგული ქიტიაშვილს და სხვებს, რომ­ლებიც უშურველად აყალიბებდნენ XX საუკუნის  თაობების ახალ­გაზრდების სულიერ სამყაროს და  მხრებით მოიტანეს დღევანდელობა.

       ვეცადე მაქსიმალური ინფორმაცია მომეკრიბა სკოლისა და კურს­და­მ­­თავ­რებულების შესახებ. ამ მიზნით ტიტანური შრომა გავწიე,  მაგრამ მიუხე­დავად ამისა, სრულყოფილების პრეტენზია მაინც არ მაქვს,   ეს ბლოგი ხომ პირ­ველი ცდაა…

       კმაყოფილი ვარ იმის გამო, რომ  1938 წლიდან დღემდე, შევძელი და შევისწავლე სკოლის ხელმძღვანელთა, პედაგოგთა და კურსდამთავრებულთა სახელოვანი ნაკვალევი, რითაც ყველაფერი ის, რაც სადღაც-სადღაც იყო მიმოფანტული, უძილო ღამეების ხარჯზე საგულ­და­გულოდ  შევკრიბე, მოვეფერე და სკოლის მატიანედ ვაქციე.

      დარწმუნებული ვარ, რომ ამ ძვირფას საუნჯეს თაობები გაეცნობიან... გაე­ცნობიან  იმათი  შვილები, შვილიშვილები, შვილთაშვილები,   ვინც ერთ დროს ჟივილ-ხივილით დარბოდა სკოლის  შენობაში, რომლებსაც  ,,აი-იამ“ მეტყველება, წერა-კითხვა, აზროვნება, სიყვარული ასწავლა, ფრთები შეასხა და ცოდნის ამ  ძვირფასი  ტაძრიდან  სხვადასხვა  მიმართულებით „გადა­აფრინა“...გული სიამაყით მევსება...  ბედნიერი ვარ, გააზრებული მაქვს გაწეული შრომის მნიშვნელობა...
მადლობა თქვენ,  ამ ინციატივის ავტორებო !..."

                                                                                        მზია   ზარნაძე  
                                                                                       31მარტი 2016 წელი.

      ბლოგი შედგება შემდეგი ნაწილებისაგან: მთავარი, ჩვენს შესახებ, დირექტორები, ყოფილი პედაგოგები, ყოფილ პედაგოგთა მოგონებები, წარჩინებით კურსდამთავრებულები, კურსდამთავრებულთა მოგონებები, კურსდამთავრებულ პედაგოგთა მოგონებები, პედაგოგიური კოლექტივი - 2016,  სკოლის გამოცემები, ფოტომატიანე - 1945-2001,  ფოტომატიანე- 2001-2016  და  ვიდეო/პრეზენტაციები...

ბლოგის შექნაზე იმუშავა ამავე სკოლის ქართული ენისა და ლიტერატურის მასწავლებელმა,  ქუთაისის ისტორიული მუზეუმის  მეცნიერ მუშაკმა მზია  ზარნაძემ.